Shokolad pastasi

MASALLIQLAR:

• 250 gr saryog'
• 1 banka quyultirilgan sut (сгущенка)
• 4-5 osh qоshiq kakao kukuni
• 1 stakan shakar
• 100 ml suv
• vanillin
• 1 chimdim limon kislotasi yoki 1 qoshiq limon soki
• qo'shimcha ta'm uchun: yer yong'og'i, funduq yong'og'i, yoki  2 osh qoshiq peanut butter (yer yong'oq pastasi)
  

TAYYORLANISHI:

1. Saryog'ni balandroq olovda eritamiz va qaynab chiqishi bilan olovni pasaytiramiz va 1 daqiqadan so'ng ochiramiz (undan ortiq qaynatmang).

2. Saryog' iliq holga kelganda quyultirilgan sut solib aralashtiramiz.

3. Vanillin solamiz.

4. Kakao kukunini qo'shamiz va yahshilab aralashtiramiz.

5. 1 stakan shakarga 100 ml suv va 1 chimdim limon kislotasi yoki 1 qoshiq limon suvini solib o'rta olovda qaynatib, qiyom tayyorlaymiz. Qiyomni piyoladagi sovuq suvga 1-2 tomchi tomizib ko'ring, yoyilib ketmasa, demak qiyom  tayyor. Tagini o'chirib tahminan 3-4 minut sovutamiz.

6. Hohishga qarab o'zimiz yoqtirgan maza beramiz. Masalan men 2 osh qoshiq "Nescafe" kahvasini 1 choy qoshiq iliq suvda eritib qo'shdim. So'ngra 2 osh qoshiq peanut butter (yer yong'oq pastasi) solib yahshilab aralashtirdim. "Nutella" shokolad pastasi ta'mini yoqtiruvchilar funduq yong'og'ini kahvamaydalagichda yahshilab maydalab solishlari mumkin. Tayyor bolgan pastani 2-3 soat sovutgichda tindiriladi.

Shokoladli pasta tayyor. Yoqimli ishtaha!